بوابة العرب اليوم
يا صاحبي بالقلب لفت هواجيس
وردن على قلبي تجر الجراير
قلب على نار الغضى والمحاميس
هاذي مواريد وهاذي صداير
مر الزمن اللي مسيوي كوابيس
في غيبة الاحلام ماهي سفاير
ما يدري ان الحال مثل الفوانيس
دايم يصاليها لهيب السعاير
حظي وحظك يا حبيبي مناحيس
واحد بنا واحد يهد العماير
وهموم بعدك في ضميري جواسيس
داخل فؤادي مثل كي الشراير
تعال خل ايام عمري توانيس
عقب البطا ومفارق كان جاير
ياللي لك ايامي تدق النواقيس
ذكرى لها عيني تهل العباير
وين انت تلعب بي هواجيس وابليس؟
يالله عساها ما تدور الدواير
