طيف يا عمري.. على جنحان شوقي لك

طيف يا عمري.. على جنحان شوقي لك
اخاف ارمش من عيوني..! وابعثر جيت وصالك …
حبيبي لا تجيني قول.. وين انت؟ وانا اجي لك
ابيك تقول وين انت.. وعلى عيوني انا اسعى لك …
وربي فوق روس الشوك.. لا اخلي القلب يمشي لك
واخلي ظلالي يسبقني.. قبل يحضني منزالك …
ثواني بس.. ابتهندم.. من عيونك وابهدي لك
في عينك ضحكة حتى تكحل عين عذالك …
يقولوا الناس: بغيابي تشب القلب ويضوي لك
حنيني ومن وهج شوقه.. يميل القلب لا مالك …
قضى دمعي من عيوني.. ابي من عينك ابكي لك
ابنثر من ورا عيوني.. دموع عيون ترحالك …
تعبت اهرب من الاشيا البسيطه من تفاصيلك
تعبت اسأل زوايا البيت.. عن اول واخر احوالك …
وحتى الشوق من صبح الدرايش قام يهدي لك
عصافير الرضى ترفرف على بيبان مدخالك …
هنا ترمي صباح الخير.. قبل لا تروح وادعي لك
وهنا تضوي مساء الخير.. في عيني من هلالك …
انا من الليل يقطفني.. شعوري لك واغني لك
انا من الصبح يليّلني الحزن.. من لون موالك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *